| lyric | 1. Sur la Ligia engirada
han nos babs la crusch alzau,
ch’ei l’ustonza daventada
e refugi el stemprau:
Sontga crusch, nies ferm rempar,
tel lein esser, tes restar!
2. Ault sgolatscha la bandiera
ordavon als battagliuns.
sut la crusch aunc batt’ e miera
mintga Svizzer sco’ls babuns:
Engirond fideivladad
al simbol de libertad.
3. Plovan larmas sur la tiara
ch’ei stremblida dagl orcan,
ell’ anguoscha dell’ uiara
anfl’ il cor in port lontan:
Nobla crusch, ti das agid,
arma sontga dil salit! |