| lyric | 1. Scha füss ün'utschella vuless abitar
sü suot la tettaglia, güst sur teis balcun,
d’mamvagl gia bodezzas eu less at chantar
d’amur la plü bell’ ed arsainta chanzun.
2. Scha füss ’na flurina, co ch’eu less flurind
implir tia candida chambra d’udir,
he per teis man am serress in glischind
e per cha ta bocc’am bütschess cun ardur.
3. Scha füss ’na funtana, co ch’eu less sbuorflar,
in buogl sigliottand scutinar da cuntin,
las plü bellas parablas d’infanzi’ at quintar
intant cha’t bagnessast i’l scul argentin
4. E füss eu’na perla, co ch’eu less glüschir
sül pet giuvenil teis, plü chast ornamaint,
pê d’üna ra'i'na vuless t'imbellir,
amur in ils razs dal diamant splenduraint. |