| lyric | Sch'eu füss 'na randulina
e sch’eu savess svolar,
sül cour de ma charina
gess jent eu am plachar.
Aint il giardin da ma mamma
es ün mailer in flur,
il merl aint illa romma
chanta chanzuns d’amur.
Eu n’ha ün frarin chi m’ama,
ün mobel da magliar
chi quinta cun ma mamma
ch’eu vegn’ a marusar.
Ebain ebain mattettas,
büttai davent ils plants,
las bellas amurettas
düran be ün pêr ons.
Ebain ebain marusa,
ils mats sun qua per quai,
Dieu svess in sia musa
tils ha creats per tai. |