| lyric | 1. Hütt sölled Lieder klinge bi eus im Frauechor,
dänn wämmer zäme singed erfreuts dis Herz und Ohr.
Die schönste Tön erschalled, e Melodiepracht,
und liis si dänn verhallet, si händ vill Freud dir gmacht.
Ref.: Mir grüessed alli Mensche, mir grüessed s'sunnig Land,
mir wänd vill Freud verschänke und singe mitenand.
I eusem Dörfli läbe, do wämmer glücklich sii,
diä Scholle dunkli Erde söll eusi Heimat sii!
Ah ah ah Los wie's klingt,
wenn me singt alles zäme stimmt.
Sing doch au mit!
Singe git Kitt!
2. Drum stönd zo eus i d Reihe, dass us em Herze singt,
de schönsti Liedermeie i eusre Heimat klingt.
Bi eus im traute Dörfli erläbed mir vill Freud,
es isch es chlises Örtli, vom Herrgott häre gleit. |