| lyric | 1. Es tuet das Anneli früe uufstah,
es wott im Chüele grase gah.
2. Es grased dem Chälbli wie der Chue,
es luegt im en stolze Riiter zue.
3. «Ach Anneli, lass das grase 10h sy,
und chumm mit em schöne Rüter e chly.
4. Ich wett dir gäh viel hundert Pfund,
wenn ich chönnt bi dir schlafe ei halbi Stund.»
5. «Ei halbi Stund ist mir nüt z lang;
ich möcht bi dir sy mys Läbe lang!»
6. Das Anni sprung dur d Stägen uf,
es bund si in Syde-n u Sammet uf.
7. Es bund si mit sydene Schnüere;
der Rüter wott ’s Anni verfüehre.
8. Er nähm das Anneli him Gürtelschloss
und schwung ’s hinder en uf ’s höhere Ross.
9. Er fiehr mit dem Anni dur d Stude-n u d Stei:
«O heie, o he, myni wysse Bei!»
10. «Dyne wysse Beine, dene schon ich nüd;
ein rächter stolz Rüter, das bin ich nüd.»
11. Er fiehr mit dem Anni dur d Stude-n u d Stöck:
«0 heie, o he, myni sydige Röck!»
12. «Dyne sydige Röck, dene schon ich nüd
und ryte dur rächti Strasse nüd.»
13. Er fiehr mit dem Anneli vor’s höllische Tor,
do stienden drei Gottb’hüetis davor.
14. Der erst heisst ’s Anneli gottwilchem sy,
der ander stosst’s zur Porte-n y.
15. Der dritt macht ihm ein Chessi voll Glüet:
«Do drin wäsch du dyni schneewysse Füess!»
16. Si gäben ihm z trinke Schwäfel und Päch:
«O heie, o he, ’s isch nit das rächt!»
17. Si schänkten ein u wie ’s Gläsli isch us,
so schiesst ihm ’s Füür zu den Augen us.
18. Si setze das Anneli uf en glüeigen Sessel
und stellten ihm d Füess uf de füürigi Chessel.
19. Si zogen ihm ab sy sehneewyssi Hut
und miechen e graue Schümel drus.
20. Uf dem Schümeli ist er gritte
für’s Väterli’s Hus y d Schmitte.
21. Es gieng nit mehr als dritthalbe Stund,
bis ’s Anneli wider uf d Schötzerschmittebrugg chund.
22. «Ach Schmidli, lieber Schmidli my,
spitz mer du drei Nägel und schlag mer s’ y!»
23. Der erst Nagel, wo der Schmiedknecht schlueg,
der graue Schümel vor ume luegt.
24. Der ander Nagel, wo der Schmiedknecht schlueg,
der Schümel spricht: «Hör uf, ’sisch gnueg!»
25. Der dritte Nagel, wo der Schmied yschlieg,
das Anneli schaute zrugg und rief:
26. «Ach Vater höret, es isch jetz gnueg,
ihr bschlönd euer eige Fleisch und Bluet!»
27. «So bist du mys Töchterli Anneli gsy?
Weiss Gott, wie’s dir mag ergange sy!»
28. Er rüehrte de Hammer y grüene Chlee.
«Jetz ha-n i gschmiedet u nümme meh!» |