| lyric | 1. Eis, zwei, drü, hü und hott und hü
lauf Schimmel, lauf zur Limmetbrugg
und bringt eus Nüß und Chrömli zrugg,
eis zwei drü.
2. Vier feuf sächs, hinderem Berg wohnt d Häx
hät roti Schlarpe-n und zum Chratze-n-uf
ihrem Puggel schwarzi Chatze,
vier feuf sächs.
3. Sibe acht nün, über d Häg und Zün
stiigt alli Nacht en lange Ma
und zündt üs Mo und Stärne-n a,
sibe acht nün.
4. Zäh elf zwölf,
im Winter chömed d Wölf;
si hetted gern es Stückli Späck,
so gern wie mir d Bäredräck,
zäh elf zwölf. |