| lyric | 1. Es blüeje d'Bäum u grüen isch d'Weid,
im Wald der Gugger rüeft au scho
dür Bärg u Tal us luter Freud:
Der Mai, der schöne Mai isch cho!
Cha nid länger blybe,
mueß uf d’Alpe trybe,
d’Glogge lustig klinge
d’Buebe Jodler singe.
’s Alphorn schallt
und ’s Chüejerglüt,
’s isch ja schöne Maiezit!
2. U d’Bächli chöme wie Christall,
höch abe vo dr Gletscherflueh,
u-n--uf de Wälle bringe all
e fründlich Maiegrueß üs zue.
Wie si lustig ruusche,
d’Strüch dem Plaudre luusche,
d’Blüemli traulich nicke,
wo-n-i au biblicke.
’s Alphorn schallt und ’s Chüeherglüt,
’sisch ja schöni Maiezit!
3. Lueg ’s Lerchli stiegt i ds Himmelsblau,
es möcht wohl Alperösli gseh.
Au mir geit ’s Härz uf,
wenn-i schau die härzig Blüemli all, juhe.
Cha nid läger blybe,
mueß uf d’Alpe trybe,
Schäfeli, Geißli, Chüeli, hü,
düruf i ’s Flüeli.
Alles jubelt nah u wit,
’s isch ja schöni Maiezyt. |