| lyric | 1. Es choleschwarzes Büssi
sitzt uf em Fänsterbrätt,
es glüüslet und es luuret,
wil’s gärn es Spätzli hätt.
2. Do flügt jo grad eis zueche,
si schläkket s Schnörrli scho.
Jetzt schnäderet das Spätzli:
Meinsch i well zue der cho?
3. Gäll jo, du hungrigs Büssi,
hättsch guete Appetit,
für feisse Spätzlibrote,
jä weisch i ha kei Zyt.
4. Husch, husch, lüpfts sini Fäckli
und flügt ufs nöchste Huus,
es sitzt ufs Dach und lachet
das schwarze Büssi uus. |