| lyric | 1. ""Es chond all Ooben es Müüsali
ond chrätzelet a mim Hüüsali,
ond wie söll ems tue?“
„Du muesch es eigets Chätzali haa,
das deer das Müüsali fange chaa.
Ond esoo tuen ems duu.“
2. „Es chond all Ooben e grauwe Maa
ond chlöpfelet a mim Läädali aa
ond wie söll ems tue?“
„Du nemmscht e bi sim graauwe Baart
ond schleipfscht e dor dis Stäägali aab.
Ond esoo tuen ems duu.“
3. „Es chond all Ooben e jonge Chnaab
ond chlöpfelet a mim Läädali aa,
ond wie söll ems tue?“
„Gang, tuen em uuf di Gadetüür
ond tue de nachhäär s Rigali füür.
Ond esoo tuen ems duu.“
___
1. Es chunt mer gäng es Häseli
z’Nacht vor mis Lädeli.
Wie soll ih-n-ihm tue?
Schaff du-n-es wachbers Hundeli a,
das dir das Häseli bisse cha,
un eso tuen-ihm du!
2. Es chunt mer gäng es Müseli
Z’Nacht vor mis Hüseli.
Wie soll ih-n-ihm tue?
Schaff du-n-es guets guets Chätzeli a,
Das dir das Müseli fange cha,
Un eso tuen ihm du!
3. Es chunt mer gäng en alte Ma
Z’Nacht vor mi Tür cho stah.
Wie soll ih-n-ihm tue?
Nimm du ne bi sim graue BArt
U schleif ne hindersi d’Stägen ab,
Un eso tuen ihm du!
4. Es chunt mer gäng e junge Chnab
Z’Nacht vor mis Bett cho stah.
Wie soll ih-n-ihm tue?
Nimm du nes füürigs Chometschit
U schlach ne bis er bi der lit,
Un eso tuen ihm du!
5. Der Chnab isch jung und ungelehrt,
Er het der Chopf zu de Füeße gchehrt.
Wie soll ih-n-ihm tue?
Nimm du ne Stäcke oder es Schit
Und gib ihm, bis er i d’Gredi lit,
Un eso duen ihm du! |