| lyric | 1. Ina giuvn' ei arrivada,
ina giuvna de plascher,
quella ei da tut amada,
tut la giuvna vul haver.
Ell’ ornescha cun speronza
nossa prada noss’ avdonza.
Nus vulein cun giubilar,
primavera, tei ludar.
2. O con bein ei uss ornada
la pumera dil curtgin.
La cultira renovada ei’l cunfiert dil contadin.
Utschellins bein cantineschan
e violas gia flureschan.
Nus vulein er cun cantar,
primavera, tei ludar.
Nus vulein cun giubilar,
primavera, tei ludar.
3. O la biala melodia
ch’il pastur lai resunar,
fa a mi tont’ allegria
che siu cant stos secundar.
Seigies pia salidada
cara giuvna bein ornada.
Nus vulein cun giubilar,
Nus vulein cun giubilar,
primavera, tei ludar. |