| lyric | 1. I ha-n-es Schätzeli funde,
es brävers git’s nit meh,
doch ist es gar wyt unde,
i cha’s gar selte g’seh.
2. Drum stahn i früe u z’Abe
duss uf der spitze Flue,
g’seh gäge mim Lieb abe
u juchze na nihm zue.
3. Chan i dehn eis ertrünne,
flugs bi ni bi ihm deh.
Ds’Härz chlopfet mir das drinne
vor Freud, dass i’s cha g’seh.
4. I nimm es chäch i d’Arme,
i cüssen ihm d’Äugli zue,
la’s a mim Härz erwarme
u freue mi bis g’nue.
5. Chäm Cheiser Bonaparti,
brächt Gäld, ganz Hutte mit,
i seiti, das er warti,
i gäb mi’s Schätzli nid.
6. I wott um Keini wärbe,
i frage Keinre nah.
Mit Eisi wott i stärbe,
mit ihm i Himmel gah. |