| lyric | 1. Mannen uuf, dr Güggel chrääit,
d Sägesse sy dänglet!
Zytig uuf isch halber gmääit,
s Schmaale hei si gstänglet!
Uuse Määder! uuse Chächt!
Näät e Schutz und wetzet rächt,
stööit i s Maad und hauet dry,
z Oobe mueßs am Schärme sy!
2. Mannen uuf! ’s isch Hinderluft,
’s Wätterloch isch feister,
wenn e Ma dehinde blybt,
wird ’s Wätter Meister!
Rühred d’Gable, hindreglitzt!
alti Bräste-n-use gschwitzt!
Ladet uf und fahret hei,
as mer z’Obe singe cheu!
3. Mannen uuf! ’s isch Summerzyt
und verby mit Leue,
wär ’-e Arm und Wetzstei het,
sell cho hälfe heue!
Schicket ech vo früeh bis Nacht,
danket Gott und gäht mer Acht!
Isch der Säge-n-i der Schüür,
hüetet ’s Huus vor Blitz und Füür! |