| lyric | 1. Lai ti pintga compagnia
a resunar la melodia
de tiu plaid alpin sonor!
Clar e ferm e bein quel tuna,
ha in mied che dultsch resuna
e ch’inconta il tiu cor.
2. La faviala bandunada,
offendida, contristada
vul da tias vals tschessar?
Audas ti co alle plonscha,
la faviala, la romontscha,
vul ti quella schar satrar?
3. Neu ed aulza la bandiera,
fegl roman, e viv’ e miera
per il tiu lungatg matern!
Spir carezi’a quell’ engira,
quei grond scazi po pertgira,
per quel ardi tiu intern. |