| lyric | 1. La mar, la mar rampluna
e berla el stemprau.
Encunter tschiel s’empluna
igl ocean rabia,
La mar ch’ei ord cadeina
puspei se calm’ in di,
vegn neidia e sereina
rampluna buca pli.
Mo quella mar pompusa
che dorma en spendur
ei fauls e trompusa:
adatg navigadur!
2. Mi’ olma giuvenila
ei lafuriusa mar,
che spema e sevila
e sa serebalzar.
Mo l’olma ei profunda
e sa sequietar
e mintga blaua unda
la riva sa bitschar.
Ge, quescha igl urezi,
e va la mar bufatg
lu tema siu caprezi,
lu, olma, dai adatg! |