| lyric | 1. La not ais s-chüra, müt il god,
la claustr indurmanzada.
Sur l’Adisch nan tamburs eu od,
ardainta ais l’armada.
Sül post sulet stun qua e guet:
O Dieu, nos s-chüd e schlass friun,
protegia nos pajais grischun.
2. Nos tröp, vers Schlingia instradà
sur munts e val, festina.
Be ch’el nu vegna stramentà
nu crouda in lavina!
Che sul badaint, che greiv momaint!
Ma’l bap etern, nos ferm friun,
cussalva bain nos vegl Grischun,
3. La flamma glüscha sün il munt,
la not aus bod passada.
E sco’l torrent chi schmach’ il god,
schmachain l’orrent’ armada.
Che greiv momaint, ma’l cour cuntaint!
Daman, cull’ alba spuntarà
l’aurora da la libertà. |