| lyric | Los, d'Byli lüted ob em Wald!
’s ist Summerszyt, ’s ist Summer!
Ä Bluem i jedrem Felsespalt;
Übrei äs Chind wo gäre gfallt,
Und lieber Jung hät weder Alt.
Hür tüemmer einist wie mer sind,
Und losed uf kei Brummer.
Und häst mi öppe gäre, Chind,
Sä nimm di ase warm und gschwind,
Und wär mer d’Muetter spinnefind.
Bigost ’s ganz Johr us reded d’Lüt
Vo nüd as Chrüz und Chummer.
Henusädä, sä sägi’s hüt:
’s ist Summerszyt, ’s ist Summerszyt,
Wil liebe hür was ’s Härz verlyt! |