| lyric | 1. Los, wie d'Vögel lieblig singe!
Lieblig tönt’s i Berg und Tal.
Gsesch, wie d’Lämmli freudig springe!
Lustig isch es überall.
Und der Chüejer johlet scho.
Bethli, lueg, der Mai isch do!
2. Blüemli blüejid of de Matte,
ond im Garte rot und wyß:
a de Sonne ond im Schatte
isch es wie im Paradies:
lueg mer ane wo du witt,
eppes Schöners gsiescht du nüd.
3. I de Städte isch es prächtig,
schöni Sache gid es viel.
De, wo vornehm ischt ond mächtig,
hed fascht alles was er will:
doch en frohe frische Muet,
de god öber Geld un Guet.
4. Freude wechsid ab mit Lide,
wele Mensch erfahrt das nüd?
Mer wen’s mache wie die Gschide,
was üsre Herrgott gid,
ond en frohe frische Muet
ischt för alles Lide guet.
___
Los wie d’Vögeli liebli singe
fröhlich tönts i Bärg u Tal.
Lue wie d’Lämmeli freudig springe
luschtig isch es überall.
Und der Chüejer jolet scho,
Schätzli lue der Mai isch cho. |