| lyric | 1. Mys härzig Annemeieli
het Augli blau wie Veieli
u sunneguldigs Hoor;
es treit sis Chöpfli frei u stolz,
isch g’wachse schlan wie Erleholz
u blüeit wie Summerflor.
2. Mys härzig Annemeieli
isch wärchig wie nes Beijeli
u het gäng heitre Muet.
Es singt kes Himmellerchli so,
es gryft as Härz u macht ein froh,
drum gfallt’s mer ärdeguet.
3. Mys härzig Annemeieli
steit ufrächt wie nes Scheieli,
schien d’Sunnen oder schneits.
Potztusighimmelärde,
das loht si nid abhärde,
es chächers git’s e keis.
4. Mys härzig Annemeieli
het Äugli blau wie Veieli
u luegt’s mi fründli a.
So möchti tanze, springe
u bolzgrad use singe:
Chumm, mer wei go Hochzyt ha! |