| lyric | 1. Mir Burelüt si chäch
u geit’s ein wi-n-es soll,
hei s’ässe gnue u z’wärche gnue
u Gäld im Sack u Strümpf u Schueh.
Drum si mer vögeliwohl.
Vivavigeli vögeli wohl.
2. Am erste Tag im Johr,
do süffle mir, hei Fleisch
u Züpfen uf em Tisch
u goh nid wägg bis nüt meh isch
u ’s wird ein vögeliwohl.
3. Isch ’s Ärne guet verbi
u heimer d’Bühnio voll,
de gits scho wider Fleisch u Wi
u Schwarzes un es Glesli dri,
das macht ein vögeliwohl.
4. E Märit isch o schön,
u grützt me-n-um ne Frou,
so juzet me u schlängget d’Bei
u cha me de mit Eisin hei,
de wird’s ein vögeliwohl.
5. So hei mer üsi Freud
u geit’s ein wie-n-es söll!
Mi wärchet wie-n-e Acherstier
u istt u treicht, ’s versprängt ein schier
u ’s isch ein vögeliwohl.
Vivavigeli vögeli wohl. |