| lyric | 1. Mir Jodler sy es luschtigs Volch,
hei Freud am Jutze, Singe.
Im Chüejermutz mit Edelwyss,
tüe mir mängs Ständli bringe:
E Meloide vo Bärg und Tal
vo mängem schöne plätzli,
e Jutz bim erschte Sunnestrahl
dä isch de grad für d’Schätzli!
Fröhlich us Härz und Gmüet,
tönt üser Jodellied.
2. Mir Jodler sind währschafti Lüt,
hend Freud an alte Brüüche.
Mir schämen üs im Halblyn nie,
sy gäg’ moderni Süüche.
Im Halbkreis tüe mer zämestah,
me luegt enend i d’Ouge;
e jedem rächte Jodlermaa
jutzt s’Härz drob chasch mer’s glaube!
3. Mir jodler sy der Heimat treum
hei Freud an üsem Ländli.
Drum jodle mir mit Lyb und Seel,
sy stolz uf üsers Gwändli.
Bim Abschiednäh heisst’s: „Bhüet di Gott,
wei Jodler sy und blybe;
i guet Tage, i der Not,
kei Vogt cha üs vertriebe! |