| lyric | Bi einist us dr Fröndi hei.
Due winkt dr Ture üb’re Rai.
D’Husdächer, d’Gärte winked au.
Im erste Hüsli walbt ä Frau
Im STägebrüggli: He willkum!
Jä und wie groß! Mi kännt du chuum.
Und woni chume d’Gaß durus,
Sä luegt äs Chind us ’s Nochbers Hus.
Das hät äs Äugli gäg mer gmacht,
Wie ’s Liechtli in re Winternacht,
Wo winkt: Was witt au duße stoh,
Chum, mach di i dr Wärmi no!
Und woni goh vors Muetters Tür,
Sä git’s ä Güß imd rigled ’s Gschir,
D’Stüehl kyed übrenand und alls,
Und eini pakt mi ume Hals:
O Chind, i ha di könnt am Schritt!
Und säg, bist gsund und fählt dr nüd? |