| lyric | O Weid, o Weid im Summerrust!
Sä hemmer doch nüd umesust
Sä heillos uf di planged.
Jeddweders Tröpfli Tau im Gras
Zeigt d’Wält wie im ne Spiegelglas,
Sevil au d’Weid ushanged.
Fyfälterli gönd übre Rai,
Und jeders meint, äs heig älei
Äs bluemets Summergwändli.
Und fäkled doch um jeders Hus,
Und über jeders Stüüdli us
Äs asligs läbigs Fähndli.
O Weid, o Weid im Summerrust!
Jetz, liebe Schatz, chum a my Brust,
Wo d’Juzer so wyt glanged.
Wo d’Hoffnig nüd as Nästli macht,
Und Jokebsleitre Tag und Nacht
Vom Himel abehanged. |