| lyric | I wett, i wäre 's Chopfschüsseli
I ihrem wyße Bett!
Wiewett ä si bim Tschüüppli näh!
O, wäni ,s au nu chöt!
Das Tschüüppeli müeßt mer gsträhled sy,
Wie wän ’s ä Wildchatz hett.
I wett, iwär ’s chly Spiegeli,
Wo hangt im Guggehur.
Äs luegt’s jo hundertmol meh a,
As ’s ganz Dorff d’Chileuhr.
I hett mi müslistill, wän sy
Mir putzti d’Glasmundur.
’s Wychwassertröigli, wäri ’s au!
Äs tünkled d’Finger dri,
Und ntzt si Stirne, ’s Müli, ’s Härz,
Sevils dra goht verby.
Wie wett em sägne jed’ri Stund,
Tags und bim Stärneschy!
I wett, i wär ’s rot Büseli,
Wo uf sym Schlärppli lyt!
He, wäni nu im Stubli wär
D’Wanduhr, die halbverhyt,
Und zletzt am Änd nu ’s Guggerli
Im alte Schwarzwaldzyt! |