| lyric | Is Fäld, jehr Chätzersbuebe!
D’Bätglogge hed scho lang verchyt.
Mer wend ächly gah luege,
Wo’s nüevri Maitli gid.
Und hed au ds rotlacht Bethli
De scho sys Chamertürli zue,
Mier pöperlid a ds Schybli,
Und land em ä kä Rueb.
Und lat’s is halt nid ine,
Sä stellid mer ä Leit’re a,
Und chräslid über d’Schindle
Zue ihm dur ds Chämi ab.
Wie chaust auch so hert schlaffe,
O Bethli, so äs nüevers Chind,
Wo all die ledige Buebe
Die ganz Nacht wachber sind.
O Maitli, Schwyzermaitli,
Züend ds Lädli au nid z’bhabe zue!
Mer bruchid all äs Gspusli,
Mer chönd ’s anderst tue. |