| lyric | Jetz wäri au gwachse,
Jetz wäri au no.
Drum wili hüt einer
Uf d’Schyterbyg goh.
Wil au wie die and’re
Äs schatzeli ha.
Äs rotbaggeds Chöpfli
Und Chrüseli dra.
Wett’s auch einist b’läbe,
Wie ’s Liebi tuet wohl.
Es lached scho gäg mer
Ä Tanztili voll.
J wil aber keini,
Wo macht wie im Blitz,
Vor jeddwedrem Schmützli
Äs ellelangs Chrüz.
J wil aber keini,
Wo, goht si zuem Tanz,
Wil ikauft sy vorhar
J d’Füüraffekranz.
Entweder si mag mi,
Dä pfyfft si uf d’Lüt
Und sait: Liebe Chrusel,
Mach mit mer was d’witt!
Mit dir wili ’s b’läbe,
Und gang’s mer wie’s well.
Gang’s mit dr i Himel,
Gang’s mit dr i d’Hell. |