| lyric | Stönd uf, ihr Dundersmeitli!
Dr schloffed wie im Grab.
Es schynt, juhee im Schwyzerland! –
Es schynt so lang scho d’Sunne
Dur alli Dächer ab.
O Meister, liebe Meister,
D’Nachtbuebe hend is gwekt,
Si hend, juhee im Schwyzerland! –
Si hend ob ’s Bethlis Chamer
Nächt ’s Schindledach abdekt.
Was kyt dän au ü ’s Bethli?
Äs ist scho lang im Fäld.
Äs ist, juchee im Schwyzerland! –
Äs ist scho burlimunter,
Und juzed eis i d’Wält.
Es ist kei Schand fürs Bethli
Sind d’Buebe hind’rem här.
Es ist, juhee im Schwyzerland! –
Es ist kei Ruehm für d’Maitli,
Wän d’Schybli blybed läär.
Jä, Meister, liebe Meister,
Und redet Ihr äso,
Üs hend, juchee im Schwyzerland! –
Üs hend au Buebe bräuged;
Mer hend s’ durs Türli glo. |