| lyric | 1. Nienen isch so schön und gmüetli
wi im liebe Land Luzärn.
Drum sing ich und schwinge s’Hüetli:
Heimetland, dich han i gärn!
Ref.: Wi nes Lerchli i de Lüfte
schwingid sich i Früehligsdüfte,
Junzger über Baum und Haag,
Finkeruef und Amselschlag.
2. Duftigs Heu und goldigi Aehri,
Oepfel, Bire, Chriesi gnue,
Chüe und Rinder, glatti, schwäri,
Hund un d Chatz ghört au derzue.
3. Los! d Güggel rüeft bi Ziite,
und de Mäler stüpft de Chäncht:
„Use! träidi nid uf d’Siite,
uf! a d’Arbet, so isch rächt.“
4. Und stohd d’Sunne uf de Bärge,
stöhnd au d’Ross am Wage scho;
ringsum isch scho all’s am Wärche,
und’s muess wi am Schüerli goh.
5. Und so gohds de lieb läng Tag us:
das gid gueten Appetit;
und rüeft ’s Meisli übre Haag us:
hei go ässe isch nie z’wiit. |