| lyric | Notg sarasa sur la val,
pasch e chietezza,
Murmurond vo igl ual
tras igl serenezza.
Ed il sains vot intunar
giud’ clutger cum lom cantar:
Buna notg e dorma bagn.
Lò en stanchel vi andant
troula sia veia;
nigna patria, nign unfant,
nign a tges’ è seia.
Aint igl mond schi trest veid
nign tg’igl porscha igl saleid:
Buna notg e dorma bagn.
Ed el vo sies trest marschar
scu l’è semper ia;
nign tg’anveid’ el da pussar,
nign tg’gil dei: „Adia“.
Ma igl sains igl less clamar:
„Surasontga ruassar!“
Buna notg e dorma bagn. |