| lyric | 1. Naven da casa sin viadis
la sort ha mei giuadò menau,
hai viu sil mund bia segneradis
e bein enquyl stupent marcau:
Mo di, miu cor, eis ventireivels,
da lunsch dal liug digl origin?
Pertgei suspiras, malruasseivels,
patratgas a tiu vitg alpin?
2. Jeu seregordel dellas pradas
e dils tschupials dils giuvens onns,
tgei bialas fiastas celebradas
a casa cun cors carezonts:
O dultscha, cara regurdientscha,
ti sontga patria sin ils aults!
Ti stas all’ olma en preschientscha
e fas vegnir miu cor pli cualds.
3. Ha vess jeu alas d’hirundellas,
sgulass jeu vi si en mia val,
tschentass il pei sin las parcellas
dil prau patern spel vitg natal:
Custeivla patria, ventireivla,
egl jester sai jeu tei stimar,
en tia cas’ e pasch migeivla,
miu cor damonda de turnar. |