| first_line | 1. kennet dir das gschichtli scho |
| lyric | 1. kennet dir das gschichtli scho
vo däm arme eskimo
wo in grönland einisch so
truurig isch um ds läbe cho
2. är het dank em radio
fröid ar musig übercho
und het dänkt das chan i o
so isch är i ds unglück cho
3. nämlech är het sech für zwo
fläsche läbertran es no
guet erhaltes cembalo
gchouft und hets i d’höli gno
4. doch won är fortissimo
gspilt het uf sym cembalo
isch en ysbär ynecho
het ne zwüsche d’chralle gno
5. kunscht isch geng es risiko
so isch är ums läbe cho
und dir gseht d’moral dervo
choufet nie es cembalo
süsch geits öich grad äbeso
wi däm armen eskimo
wo in grönland einisch so
truurig isch um ds läbe cho |
| language ISO 639 | gsw = german swiss / allemand suisse / schweizerdeutsch / schwyzerdüütsch |
| protection © | n/a |