lyric | 1. Was brucht e rächte Schwyzerma? Das söll mer öpper säge! Er mueß es eiges Hüsli ha mit glänzige Schybe-n-und Meie dra, e guete Schärme Tag und Nacht, im Sunneschyn und Räge.
2. Was brucht e rächte Schwyzerma? Das sell mer öpper säge! Er mueß n’es subers Wybli ha, das hilft em ’s Güetli zämeha, es macht em öppe churzi Zyt und hilft em ’s Ungfell träge.
3. Was brucht e rächte Schwyzerma? Das sell mer öpper säge! N’es Pärli Chinder, oder zweu, wo gsundi roti Bäckli hei, sie träge-n-eim eheitre Blick und Sunneschyn ergäge.
4. Was brucht e rächte Schwyzerma? Das sell mer öpper säge! Ne subre Tisch und blangge Schild, n’es härzhafts Wort, wo öppis gilt, en eigni Meinig öppe mol, wo d’Wohret ma verträge.
5. Was brucht e rächte Schwyzerma? Das sell mer öpper säge! N’es subers Gwehrli a der Wand, n’es heiters Lied fürs Vaterland, es offnigs Härz, e heitre Blick uf Wäge und uf Stäge. |