| lyric | 1. Vom Himmel abe chunnt e Stern.
Er nimmt si Weg grad gege Bern,
für dert e chlei ga z’glänze.
Er treit sis Mänteli uf em Arm
u cha gar schön scharwenze.
Das Spiri, Giri, Giri Margeneli!
2. Da chunnt es fründligs Meitschi här
mit Göllerchette lang und schwer,
u d’Ermel wyß wie Chryde.
Das glänzt und glitzeret z’ringsetum
vo Silber und vo Syde.
Das Spiri, Giri, Giri Margeneli!
3. Da wird mys Stärnli bleich u stumm.
Es hänkt sech gschwind der Mantel um
u faht fast afah gryne.
Es stäcklet gschwind gägem Himmel zue,
dert chan es wieder schyne.
Das Spiri, Giri, Giri Margeneli! |