| lyric | Jm Lanzig gaht dr Schnee äwäg.
Dä fänd si d’Bäch a rohde.
Si gumppid dur all Ruse us,
Und pürzlid eis i Bode.
D’Härdmandli hindrem Roße gand
Verschmäikt gah vüre äigle:
J mein, si hänkid d’Sunne us,
As d’Bächli so tüend gaigle.
Jetz ghört me d’Lauene üb’rei
J d’Tobel appetüfle.
Und d’Mungge chömid us dr Hueb
Echly cho vüreschnüfle.
Und ’s gaht nid lang, rot Maie chönd
Um d’Systene cho zünde.
Au d’Schwäbelpfyffli machid uf.
Mi ghört s’ mid alle Winde.
Und ds Rosli tued sys Schybli uf
Und puschelid sys Müli.
Dr Bärg nyt’s für ne Gagebank,
Und ds Täli für d’Tanzdili. |