| lyric | Es ist mer, 's chö nüd schöiners gä,
O Gspüsli, as dsy Öihrli,
Wo drumm mit Spinnebeindlene
Gönd um die guldne Höörli.
Und won äa guldis Glänggeli
Dra hangt äs wien äs Tröpfli Tau
Am Morged früeh am Röisli.
Wie isch dys Öihrli roserot!
Wie ,s hostedli vom Schnäggli.
Und ra das guldi Glänggeli
Wo glitzered am Bäggli,
Ist schöiner as wän’s dimmered
Im Oberot äs Stärnli.
Kein Nägeli am Pfeistersims,
Wo schöiner abehanged.
Wie ,s Stärnli isch im Chindeaug,
Wo nüd weißt no was’s planged.
s’s zeukt eim wie i dr nüe Wält
Dr Schwyzer ’s Heimedfähndli.
Und schöin wie ’s Chaisers Lüchter isch
J üs’re Chlosterchile.
Wie ’s Tröpfli im Sprützbrünneli,
Wo nie wil höire spile.
’s zeukt eim wie ’s Liechtli i dr NAcht,
Wo gspeisted ob dä Möis’re.
O guldigs Ohreglänggeli,
Dym Glüßli mueß i noe!
Es ist mer wän i’s nümme gsäch,
D’Wält müeßt mer rätsch vergroe.
Dr Tag well d’Sunne niemeh cho.
Und au dr Vollmo i dr Nacht
Syg blöiß äs Toteliechtli. |