| lyric | Es macht eim im Lanzig
Nüd serewäg froh,
As wäme eis zieh cha,
Und d’Bei cha lo goh.
Was brucht’s dä zuem Fahre?
Ä Bluem uf em Huet.
Ä dienige Stäke
Und ’s Wimsle im Bluet.
Was cha mer nüd gwahre
Durs Land zringelum.
Äs nüs Stükli Wält wyst
Ä jeddwede Chrumm.
’s hät d’Matte voll Blueme;
’s hät Schöins se dik witt.
Glych ’s gfreutist uf Ärde
Sind eistig nu d’Lüt.
Und under dä Lüte
Die mögigste Chind.
’s hät jeddwedes Zähndli,
Wo glächerig sind.
Glych, under dä Chinde
Goht änes vora,
Wo Schmützli bis gnueg hät
Und git sevils cha. |