| lyric | Äh pah, mer wend äs Gängli tue,
Im schöine Wätter z’Ehre.
Mi hät däheime doch kei Rueh.
Und ’s chönd eim Fäke us em Schueh,
Und trybed eim im Gugger zue.
Und wo mer hüt mag stoh und goh,
’s goht vor eim har ä Fahne.
Äh pah, es wird es Trünkli to.
Mer wend dr alt Wy nüd lo stoh;
Es chunt jo hür ä nüe no.
Äh pah, mer wend eis striele hüt
Dur üsers Schwyzerländli!
Mer wend eis uszieh was’s verlyt.
Es wär jo schad um jed’re Schritt.
’s weißt keine wän em ’s Bei verhyt.
Hüt wemmer eis wie d’Byli sy:
Keis Freudeli verachte.
Und ist äs Blüëmli gring und chly,
Sys Härzli hät’s und ’s Hüngli dri.
Wer ’s Züngli hät goht nüd verby. |