| lyric | Äs Mägdli bini, juppedihee!
Am Morged, vori d’Sunne gseh,
Goht’s use wie dr Blitz.
Äs Füür i d’Chust, dr Bäse z’Hand;
Husufundan, um Tisch und Wand,
Öb’s taged i dr Schwyz.
Wie d’Heiteri um d’Pfeister chunt,
Wän’s a mys Chupfergeltli sunnt,
Se rohdt se si ums Hus.
J stelle d’Chalei parad;
Und d’Milch erwellt si äbegrad,
Und wil zuem Pfändli us.
Ich aber ha si gflingg im Chrueg.
Aus alls kalazed eis bis gnueg.
Dr Tag fot wider a.
Und allewyl git’s Zytvertryb
Und vo dr Frau syeinist Chyb.
He, sy mueß au mängs ha.
Und ’s ist ’re au scho Gschirr verhyt.
J singe glych as’s Echo git.
Und Türli uf und Türli zue!
Und d’Chinde hanged mer a d’Schoß.
’s ist eistig neimeneimis los,
Und öppenöppis z’tue.
Und wäni blöiß äs Mägdli bi,
Es luegt mi mänge a ,wie fry!
Und nähmt mi ume Hals.
Und hani au kei Sammedrust
’s chunt hinecht eine a my Chust
Und sait: Du bist mer alls!
Selang i Gsundi bi und zwäg,
Selang git’s auf Guetwättertäg.
Und ruched’s wirdi alt,
Se wirdi’s ha wie ander Lüt:
öb’s d’Wält us sunned oder schnyt,
Mi grochsed und hät chalt.
Äs Mägdli bini, juppedihee!
Bi wohluf wien äs Has im Chlee,
Und eistig uf em Sprung.
Dr Wärchtig sait: Gschwind to macht froh!
Dr Sunntig sait: ’s findt alls sy Loh,
Und ’s Spiegeli: Bist jung! |