| lyric | Jetz ist dr Summer äntli cho.
Es sunnt ein bis i d’Zeie.
Mein, d’Schatte wend hür ganz vergoh.
Und d’Glyßli stönd dä Porte no
Wie Umgangcherzetöie.
’s Graswürmmli dänkt: Jetzt wachst der Chöil.
Hür wemmer dän eis läbe! -
Dr Summer hät sy Farbe feil.
Und hät äs Blüemli nu keis Gmöil,
Är molt em’s ganz vergäbe.
Und d’Spinnmugg sait: My Unhangwösch
Vergulded mer hüt d’Sunne.
He, meint ä alti Chilefrösch,
Wänt gnauer luegst, sen sich blöiß Mösch,
Wie’s Röihrli a mym Brunne.
Guld oder Mösch, häts Schnäggli gsait,
Es igt eim ämel Wärmmi.
Und wäme au sy Burdi trait,
Wer’s i dr Sunne böis usleit,
Wie ist au där ä Ärmmi.
Glych, macht due ’s Rosestüüdli druf,
Hüt wil’s au gar hüntsch sunne.
Äs tuet ’s rot Parisöili uf.
’s Graswürmmli drunder lot kei Schnuf
Und dänkt: Jetz hani’s gwunne! |