| lyric | D'Roß walid im Weidland.
Mein, ds Wätter wird gued.
Ha sälber äs tanzigs
Hürößli im Blued.
Ha sälber äs geistigs
Rots Hängstli im Gstell.
Ist schützig wie d’Wäspi
Und füürig wie d’Hell.
Jetz furt us dr Chamer,
Dur d’ Stuude und Gras!
Wott öppis erläbe;
’s ist pfyffeglich was.
Ä schnistblabe Himel,
Ä chyibe Wind;
Ä Döirehag vor mer,
Und hinder mer Hünd.
Nu use, driuse,
Nu use und fry!
Chöt hüt i keim Spinnli
Im Hälsterli sy.
D’Roß walid im Weidland,
Und ds Wätter wird gued.
Hä sälber äs geistigs
Hürößli im Blued.
Cha sy mag is bherre,
Villichter au nid.
Weiß bstandniger Ryter;
Sind au appeghyt. |