| lyric | Marieli, tue mer 's Gätterli uf!
Mer wend äs Bitzli ryte druf.
I cha dr ’s Gätterli nüd uftue
Sust lauft mer ’s Muenli drus und d’Chue.
Was goht üs d’Chueh und ’s Muneli a,
Mer ryted uf Amerika.
Und ’s Gätterli das macht gar und gyr.
Wän’s Muetter köirt, so git’s mer Wir.
Dy Muetter grochsed hind’rem Wupp.
Jetz nim di bi dym Rystedschuup!
Und sött d’r Ätti ume sy,
So sperrt r mi i d’ Winde i.
Dy Ätti schyted hind’rem Hus.
Dir wil äs Füür zuem Bäggli us.
Und s’ Gätterli das macht gyr und gar.
Dr Pfarre sait, bruch nu kei Schatz.
Wie wett dr Pfarre das verstoh.
Gsehs Wiegli i dym Äugli goh.
Und ’s Gätterli gart und gyred eis.
’s Marieli macht druf d’Hochsigsreis. |