| lyric | Mer sind is Nochbers Hölzli gsy,
Heizburdeli goh reise.
Und wo mer d’Stuude afönd byge,
Fot’s neimehar ais aso gyge.
Mer sind im Gygli hurtig no.
Dr Gyger hemmer funde.
Dr Wind hoktin re Lonetanne,
Und tuet sy Tannchrissaite spanne.
Und wo mer ufegugged hend,
Sitzt ’s Eikerli driobe.
Berschmäukt hät’s uf is abeg’äugled,
Ist d’Tanne uf und abe gaigled.
Due häte’s ä Ringelreihe gä,
Um d’Lonetanne ume.
Dr Wind hät afo Musik mache,
Und mir hend eister müeße lache.
Ünd wo’s durs Hölzli dimm’red hät,
Se simmer heizue gumped.
Hend d’Heiziburdeli vergässe;
Sind gleitig hinder d’Mählbrüeh gsässe. |