| lyric | 1. Udis il clom en la vallada?
Si, si, vus umens dils cumins!
La libertat ei smanatschada,
igl inimitg ei sils confins!
Fontana muoss anus la via
atras il fiug dils battagliuns:
„Plitost la mort, che sclaveria!“
ei la parola dils Grischuns!
2. Navent, signun, dalla caldèra,
uss tila, pur, la faulsch giun plaun,
lai star, nursèr, la montanèra,
dabot las armas ent maun.
3. Nos catschadurs la salvischina
lain sin la pezza mai mitschar,
cun égl segir san quels adina
il cor digl inimitg tucar.
4. Ils montagnards van sco la bova
tut a sfraccont en il combatt,
o paupra quel, gie, quel ch’emprova,
de tschuncanar lurlibertad.
5. Tuts inimitgs rimnai ensemen
san far a nus negin sterment,
ils libers Grischs adin aunc teman
mo Dieus entschiel, il Tutpussent. |