| lyric | 1. Uf em Bänkli vor der Hütte
sitzt der Senn im Abe’dschy,
lost uf’s Herdegloggelüte,
luegt wyt über d’Weide-n-y.
Still si d’Bärge rings i’r Wyti,
dunkler wird’s i Tal u Grund,
wie-n-e schöne Silberchetti
glänze d’Fluehbäch i der Rund.
2. Dunkel tönt das Wasserrusche,
fascht wie ferni Orgeltön,
Wehmuet gryft as'Härz bim lusche,
lpewält, wie bisch du schön!
Grat und Firn und Gletscher trinke
milde Mond- und Stärneglanz,
und sie lüchted und sie blinked
wie-n-e wyte Silberchranz.
3. Lys, wie fern us Äterlüfte,
tönt en wunderbare Gsang,
es verklingt i Fels und Klüfte
schön und rein der Alphornklang.
Froh leit jetz de Sänn sich nieder
bis zum nächste Morgerot,
dänn beginnt sy Arbet wieder,
bis dahin: ""Es walte Gott!"". |