| lyric | 1. Uf, Kanonier! Flugs d's Glas zur Hand!
Mir wei es G’sätzli singe.
Mir schere-n-üs um d’Sorge nüt:
Es seit kei Möntsch is hüt verbüt,
we mir’s ’e-n-andre bringe.
2. Mir Kanonier, ja! D’s selb ist wahr,
Hei viel im Chrieg z’bidüte.
Mir speue Füür u Flamme-n-us
U donnere dry, es ist e Grus,
We mir recht z’säme lüte.
3. Doch jetz sy mir nit sövel bös,
Es gilt nit Bluetvergieße;
Mir gieße lieber Wy i d’s Glas,
U niemer byßt darob i d’s Gras,
Mir wei’s im Friede g’nieße.
4. G’wehr hoch! Es gilt dem schwarze Ma,
Wo d’s Pulver het erfunde.
Ja! Pfäffli her u Pfäffli hi -
Er ist bi Gott kei Esel g’si.
’s git nit viel settig Chunde.
5. U dä wo-n-üs d’Kanone gießt,
Dä wei mer o la lebe.
Jä! Wär e kei Kanone da,
Wie wurd’s dem Kanonier ergah?
Sys Pulver wär vergebe.
6. U gäb es keine Kanonier
Was nützte de d’Kanone?
Drum leb e-n-jedre brave Ma,
Dä Stuck u Mürsel baschge cha! -
Mutz us! Mir wei nüt schone. |