| lyric | Los, Muetter, los, was hani traumt!
’s syg Nacht und Heiterglanz.
I köir ä Musig neimehar,
Die spili uf zuem Tanz.
Und wieni lose still i d’Nacht,
Sä ist äs Wülchli cho.
Sind Ängeli druffobe gsy,
Die hemmi mit ne gno.
Und ’s Wülchli hät is obsi trait,
Und bis vor d’Himelstür.
He, hät äs Ängeli due gsait,
Dr Rigel ist scho vür!
Due güggled mer durs Schlüßelloch.
Was hemmer dän au gwahrt?
Im Himel hend s’ grad Chilbi ka;
Si tanzed wie vernarrt.
Die Heilige und Marterer,
Si tanzed eis druflos.
Und d’Muettergottes luegt ne zue,
’s Chirstchindli uf dr Schoß.
’s Christchindli uf dr bloe Schoß
Ist hirmuetslustig gsy.
’s hät zuegluegt wie dä Heilige
hand gwaggled d’Helgeschy. |