| lyric | 's ist Chilbi hüt, Chilbi!
Jä, cha ’s aber sy?
Wie hani au planged!
Jetz isch mer schier z’gly.
’s ist Chilbi hüt, Chilbi!
Vor z’Nacht stohtr do.
Är chunt mi cho hole,
Cha nüd widerstoh.
’s ist Chilbi hüt, Chilbi!
Im Dachstuehl, im Gstüüd,
Wie hani glehrt tanze,
Und chan is ächt hüt?
’s ist Chilbi hüt, Chilbi!
Es ist mer sä schwär!
Äh, wäni nu wider
Im Guggehrli wär!
’s ist Chilbi hüt, Chilbi!
Jetz leit r si a.
Nüd eine wo ase grad
Usegoh cha!
’s ist Chilbi hüt, Chilbi!
Juhuu! Wie ’s mi freut!
Gottlob, jetz isch duße,
Es hett’ mi gly töit. |