| lyric | 1. Ün bel cumün vez tanter fluors,
daspera cuorra l’En,
sün stipa spuona aclas, tuors,
in fuond vadrets e spelm.
Eu dod ün paster a chantar,
da scossas quaid s-chellam;
O bella val, o lö tant char,
bainbod da’t vair eu bram.
2. Ün sömmi plain felicità
m’adoza sü vers l’ ot,
meis ögl sül munt eu regn drizzà,
sül lai, sün prad’ e god.
Ma güst c’eu vögl ün güvel dar,
a, sdaisd, e trist eu clam:
3. La brama m’arda de pudair
darcheu turnar a chà,
d’ir cul schluppet süls munts,
giodair noss drets da libertà.
Linguach matern eu less tschantschar,
perche surtuot quel am: |