| lyric | Und 's Anneli het zum Joggeli gseit:
Jetzt darfst mi nümme chüsse;
der Vater ist gar schreckli bös
und ich ha au äs Gwüsse.
DerJoggeli ist ä brave Bueb,
er folgt sim Schatz uf ’s Wörtli;
er druckt em ’s Händli, seit guet Nacht
und gaht dänn a sis Örtli.
So lauft die Sach äs Zitli fort,
der Ma wird lär und rundet;
der Früehlig bricht mit Macht is Land
und mänge Chranke gsundet.
Der Joggeli het äs Strüßeli pracht
vu frische Maierysli,
scho will er fort und ist am Hag,
da rüeft em ’s Anneli lysli:
Weischt, Joggi, wännt mi chüsse wit,
so chum grad wieder umme,
der Vater brucht nüd allis zgseh
und ’s Gwüsse gspür i numme. |