| lyric | 1. Isch das e schön's Verwache
im Toggeburger Land;
g’seh d’Bärg i ’s Stübli lache
in ihrem Sunntiggwand.
Es Finkli g’höri singe
verusse vor em Hus
und ’s Alpehorn verklinge
wit über d’Höger us.
2. Am Nachberhus gaht Liisli
es gwundrigs Lädli uf
grad gege ’s bluemet Wieli
und ’s Birebäumli druf.
Aus’Rösestöck und d’Rebe,
d’Himbeerli z’nächst bim Hag,
sie möged chum erlebe
der erst warm Maietyg.
3. ’s Sunnläubeli weiss z’brichte
vo Land und Väch ud Lüt;
vo allergattig Gschichte
und Sennebuebzyt.
Da chunnt uf stille Wege
e liebi Melodie,
chehrt wie-n-enMorgesege
i Hus und Herze-n-y. |