| lyric | Dr Summer ist vergange,
Und d’Schnägge sind is Ghüs.
Es pfused is um d’Gadewand.
Heijuppediehe im Schwyzerland!
Bhüet Gott, ihr frönde Gugger,
Jetz simmer under üs.
Mer tüend äs Dächis über,
Und zünded ’s Pfyffli a.
Wer gschaued d’Wält im Wintergwand.
Heijuppedihee im Schwyzerland!
Mer lueged zue wie ’s Schiffli
Im Wäbstuehl häre cha.
Und ryted d’Fasnecht ine,
Sä wüßed mer was Lands-
’s hät jede eini a dr Hand.
Heijuppedihee im Schwyzerland!
Mer lönd die Alte brummle,
Und ruked us zuem Tanz.
Mys Gspüsli hät äs Rökli.
Äs nigelnagelnüs.
Und wän’s dri fäked umenand,
Heijuppedihee im Schwyzerland!
Sä gwahrt me drunder ’s Füeßli,
’s ist tubefädrewyß.
Jetz trait mys Schätzl Günsche;
Cha ’s Füeßli nümme gseh.
Glych bringt mi das nüd vom Verstand.
Heijuppedihee im Schwyzerland!
Jetz streichlet mi sys Händli.
Das freut me nu vilmeh. |